قوانين كرسي الاعتراف (( الصارم البتار ))

السلام عليكم ورحـــــــــــــــمة الله وبركاته

أخواني واخواتي الأعضاء...........

أنتو أكيد عارفين هذه اللعبه جيدا......

شفتها في احـــد المنتدياات وفيها تفـاعل كبير بين الاعضــاء
وحبيت انقلها لكم لأنها تنقص المنتدى
ومنها نتعرف على بعض اكثر.....

القوانيـــــــــــــــــــــــن:

1-في كل أسبوعين سيكون هناك عضو أو مشرف أو حتى المدير على هذا الكرسي يعني من يوم السبت ..ولمدة خمسة عشر يوما,,,

2-قبل أن ينهض العضو عن الكرسي لازم يختار غيره يجلس على الكرسي.....

3-طوال وجود الشخص على كرسي الاعتراف ....يحق للجميع سؤاله عن أي شيئ....
.>>>>وننتبه طبعا بدون أسئله جارحه
طبعا أنتو أعرف بالأشياء الي راح تسئلونه أياه.....

4-طبعا على العضو الموجود على الكرسي الاجابه .....

5-لانريد ركود في اللعبه وعلينا التفاعل فيها جميعا.....

6-وطبعا ستتم أرسال رساله خاصه للعضو الذي سيكون على الكرسي وأبلاغه بأنه العضو المختار

7- واذا أتى يوم الجمعه وحصل تجاهل من العضو عن الاجابه أو لم يدخل المنتدى خلال الفتره ...لن ننتظره أسبوع آخر بل سأختار أنا أوالاستاذ محمد هجرس عضو غيره

.>>>>>وسيتم أستضافته باذن الله في وقت لاحق

8- واذا لم يستحب العضو المختار المشاركه ....فليعطي خبرا ولن يكون مجبور,,,,

تحيـــاتي لجميع الاعضــاء

(ترقبو العضو الأول في كــــــــــــــــــرسي الأعتراف)

طيب انتوا حطيتوا القوانين وخلاص

ابقوا اختاروا حد بقي ولا رشحوا حد

انا برجح انه يكون ناقل الموضوع

السلام عليكم جميعا

نبدأ معا كرسي الاعتراف
وبعد اذن الجميع هنختار العضو
(( الصارم البتار ))
فليتفضل
ابتداء من اليوم 28 / 7 / 2010

ممكن أسأل حضرتك سؤال
اسمك وسنك وعنوانك ودراستك ؟؟؟؟؟؟
بس بسرعة

هو عشان دخلت حطيت رد ادبست

مفيش مشاكل

اسمي : أحمد وائل الشريف

سني : 17 سنة

عنواني : قطور .

دراستي : اخر سنة في ثانوية عامة ( داخل سنة 3 )

ازيك يا احمد باشا معلش عندي كام سؤال كدة

1-ما هو اقتراحك الذي تتمنى ان يحدث في هذا المنتدى ولم يحدث الى الان ؟
2-صــف نفســـك بكلمتيـــن فقـــط..!
3-سبب اختيارك لاسمك المستعار (الصارم البتار)
4-ما هو الحلم الذي لا تستطيـــع تحقيقه؟!؟
5-ما هو حلمك في الحياة؟
معلش طولت عليك شوية

شكرا أحمد باشا على الاهتمام
ولكن هناك مجرد سؤال
انت وعدتنا بالمشاركة في تطوير المنتدى والموقع
بس دا ان كلام وخلاص ولا ايه رأيك ؟؟؟؟؟

ازيك يا احمد باشا معلش عندي كام سؤال كدة

الله يسلمك يا باشا

1-ما هو اقتراحك الذي تتمنى ان يحدث في هذا المنتدى ولم يحدث الى الان ؟
التقسيم بتاع الأقسام مش شامل أوي والبوابة برضه مشمتظبطة أوي وكمان المفروض يبقي في تفاعل أكتر من الأعضاء .

2-صــف نفســـك بكلمتيـــن فقـــط..!
علي نياتي .

3-سبب اختيارك لاسمك المستعار (الصارم البتار)
اسم كتاب وعجبني الاسم

4-ما هو الحلم الذي لا تستطيـــع تحقيقه؟!؟
اني ارجع لأيام الاعدادي تاني .

5-ما هو حلمك في الحياة؟
أني أوصل لحاجة جديدة مفيش حد عملها قبل كدة .

معلش طولت عليك شوية
ولا يهمك يا باشا

شكرا أحمد باشا على الاهتمام
تحت أمرك يا باشا في أي وقت

ولكن هناك مجرد سؤال
انت وعدتنا بالمشاركة في تطوير المنتدى والموقع
بس دا ان كلام وخلاص ولا ايه رأيك ؟؟؟؟؟

معاك حق أنا فعلا في الدراسة قلت كدة بس لما جت الاجازة الواحد مبيقعدش في البيت أصلا يعني ممكن الواحد بيدخل البيت الفجر الواحد اصلا كان عامل زي اللي في سجن انت عارف اللي كنا فيه واللي داخلين عليه فالواحد كان بيحاول يستغل الاجازة عشان تكون حافز ليك السنة الجاية .
ثانيا الفترة اللي كنت بقعد فيها عالكمبيوتر المنتدي عندي كان طالع من الدراسة ميت وفيه مشاكل كتير عملنا فيه حاجات وباقي أكتر والمشكلة الشغل كله أكواد وانت عارف الأكواد دي بتاخد وقت بافترا .
ثالثا محدش طلب مني حاجة معينة والعضوية عادية فهخش اعمل حاجة ازاي اصلا
رابعا ودا الأهم أنا تحت أمرك في أي حاجة واللي انت عايزه عنيا الاتنين ليك يا باشا

ايه اكتر كلمه بتحب الناس تقولهالك؟..

ايه طموحك فى الحياه

مين قدوتك ف الحياه

ايه اكتر حاجه ممكن تسعدك

لو هتبقى رئيس بلدك ايه اول حاجه هتعمليها

لوكان عندك الفانوس السحري ثلاث امانيات تطلبها؟

بمااننا فى كرسى الاعتراف..فبما تقر وتعترف؟

ايه اكتر كلمه بتحب الناس تقولهالك؟..
شكرا

ايه طموحك فى الحياه
أني ابقي عضو صالح في مجتمعي مفيد للناس محبوب في المكان الموجود فيه وبرضه اعمل حاجة محدش يقدر يعملها او يوصلها قبلي (اكتشاف جديد يعني )

مين قدوتك ف الحياه
طبعا قبل اي حد قدوة المسلمين كلهم سيدنا محمد عليه الصلاة والسلام.
في الحياة العملية جدي وفي الاسلوب والكلام الدكتور محمد العريفي وفي التصميم والعزيمة هتلر وفي التفكير أرنست بولارد

ايه اكتر حاجه ممكن تسعدك
أني أكون سبب في سعادة حد أو سبب في حل لمشكلة .

لو هتبقى رئيس بلدك ايه اول حاجه هتعمليها
هعمل مدينة خاصة بالبحث العملي والعلماء وأوفرلهم كل الامكانيات اللي يحتاجوها واي حد يثبت نبوغه وعقليته العلمية اوديه هناك يعمل ابحاثه .

لوكان عندك الفانوس السحري ثلاث امانيات تطلبها؟
هطلب منه الصحة والراحة النفسية والسعادة .

بمااننا فى كرسى الاعتراف..فبما تقر وتعترف؟
ان اسعد ايام حياتي كانت أيام مدرسة الفردوس والواحد كل يوم بيتمني ان الايام دي ترجع.

متأكد انك بتتمنى ترجع؟؟؟؟

متأكد انك بتتمنى ترجع؟؟؟؟

أكيد طبعا بتمني أرجع لأن دي كانت أحسن أيام في حياتي تقدر تقول العصر الذهبي بالنسبة ليا ومش انا لوحدي كدا بس علي فكرة كل اللي كانوا معايا دفعتي كدا برده انت متهيئلك ان لما تمشي هتبقي احسن بس صدقني بعد أما تسيب المدرسة هتحلف بيوم واحد من أيام المدرسة بس للأسف هيكون خلاص الوقت عدي فنصيحتي استمتع بالسنة اللي بقيالك وهشوفك علي خير ان شاء الله ان عشت لما تخش الثانوي وبالتحديد مدرسة قطور الثانوية هتبقي تقول ايه .

أحمد باشا
كيف حالك
ممكن كمان سؤال
نصيحة تقدمها لكل من :
الحكماء العرب
المواطن المصري
الشعب العربي
أصدقاءك

اولا اهلا بك في منتدى الفردوس ولكن ممكن تعرفينا بحضرتك اولا ويا ترى اية علاقتك بالفردوس؟؟؟؟؟؟؟؟؟؟؟؟؟؟

شكرا يا استاذ
انا كنت فى الفردوس وحولت منها لاسباب كثيرة
اما انى اعرفكم بنفسى صعبة شوية او بعدين

إسراء ياصياد عيب عليكى أنتى كنتى فى المدرسة قبل كدة يعنى المفرود عليكى أنك تحترميهااا وتتكلمى باحترااااااام عليها اكتر من كدة وبعدييييين المدرسة كلها عرفت ان فيروز ههيا اسراااااااااااء الصياااااااااد وبعدين الفصل بيسلم عليكى

على فكرة انا مش اسراء الصياد وبعدين لفت انتباهى ان انتى عندك 13 سنة يعنى تالتة اعدادى انا عندى 18 يعنى فى الكلية ازاى هكون فى فصلك والفصل كله بيسلم عليا ماشى يعنى حرام

والله من السهل أنك تغيرى فى السن بتاعك عاااااادى خااااااااالص وبعدين أنا فى تانية اعدادى مش فى تالتة وبعدين يا أستااااذ أنتى مش بتكلمى ناس مش بتفهم لأ أنا فهمة كويس أوووووى ماشي وأنتى مش بتضحكى عليا أنتى بتضحكى على نفسك واحنى عندنا أدلة كتييييييييييييييييير أنك هيا إسراء الصياد منها الرسالة اللى أنتى بعتيهالى مااااشي tongue

هو انتو هتتخنأو ادامي؟

» قوانين منتدى الصور